پاکستان کرکٹ بورڈ کے چیئرمین محسن نقوی نے ایف ڈبلیو او اور متعلقہ حکام کو قذافی سٹیڈیم کی توسیع کا کام مقررہ تاریخ سے پہلے مکمل کرنے کی ہدایت کی ہے۔

انہوں نے یہ ہدایت لاہور کے قذافی سٹیڈیم میں جاری تعمیراتی کام کا معائنہ کرتے ہوئے کی۔

محسن نقوی نے کہا کہ قذافی اسٹیڈیم کو بین الاقوامی سطح کے سٹیڈیم میں تبدیل کیا جا رہا ہے جہاں کھلاڑیوں اور تماشائیوں کے لیے سہولیات کو بہتر بنایا جا رہا ہے۔

چیئرمین پی سی بی کو بریفنگ میں بتایا گیا کہ قذافی سٹیڈیم کی بہتری کے منصوبے کا تقریبا ًپچاس فیصد کام مکمل ہو چکا ہے جبکہ باقی کام تیز ی سے جاری ہے۔