وزیراعلی پنجاب مریم نواز کسانوں کو سہولت فراہم کرنے کیلئے آج محمد نوازشریف کسان کارڈ منصوبے کا آغاز کریںگی۔
انہوں نے آج(جمعہ) لاہور میں زرعی اصلاحات کے حوالے سے ایک اجلاس کی صدارت کرتے ہوئے کہا کہ اس کارڈ کے ذریعے پانچ لاکھ چھوٹے کسانوں کو ایک سو پچاس ارب روپے کے قرضے دئیے جائیں گے ۔انہوں نے کہا بہترین بیج ، کھاد اور جراثیم کش ادویات کی خریداری کیلئے تیس ہزار روپے فی ایکڑ کے حساب سے رقم بھی فراہم کی جائے گی ۔
اجلاس میں کپاس ، گندم اور چاول کی فصلوں کے حوالے سے تحقیق کیلئے ایک جدید مرکز کے قیام کی منظوری بھی دی گئی ۔