وزیراعظم کے ترجمان ندیم افضل چن نے کہا ہے کہ حزب اختلاف کی آل پارٹیز کانفرنس محض انکے اپنے مفادات کے تحفظ کیلئے تھی اور اس کا عوام کے مسائل سے کوئی تعلق نہیں تھا۔
انہوں نے ایک نجی نیوز چینل سے گفتگو کرتے ہوئے کہا کہ حزب اختلاف کا حکومت کے خلاف اتحاداپنے ذاتی مفادات کے تحفظ کیلئے ہے۔ندیم افضل چن نے کہا کہ وزیراعظم عمران خان نے ملک کو اقتصادی مسائل سے نکالنے کیلئے اپوزیشن جماعتوں کے ساتھ میثاق معیشت پر بات چیت کرنے کی ہدایت کی ہے۔