بھارت میں حکمران جماعت بھارتیہ جنتاپارٹی نے ہندتوانظریے کے فروغ کے لئے کرناٹک صوبے میں تعلیم اورملازمتوں میں مسلمانوں کے کوٹے میں چارفیصدکمی کردی۔یہ اعلان وزیراعلیٰ Basavaraj Bommai نے Bangeluru میں ایک پریس کانفرنس میں کیا ۔ انہوں نے کہاکہ کابینہ کی ذیلی کمیٹی نے کوٹے میں تبدیلی کی سفارشات پیش کیں جسے ہم نے منظور کرلیا۔مسلم وقف بورڈ نے کرناٹک حکومت کے اس فیصلے پرمایوسی کااظہار کرتے ہوئے اسے بی جے پی کی حکومت کی جانب سے ووٹوں کو تقسیم کرنے کی تازہ ترین سازش قراردیا۔