چیف جسٹس میاں ثاقب نثار نے کہا ہے کہ پاکستان کی عدلیہ چین پاکستان اقتصادی راہداری کی مکمل حمایت کرتی ہے اور اس پر خوش اسلوبی سے عملدرآمد کےلئے تجارتی تنازعات کے خاتمےکی غرض سے اقدامات کےلئے پرعزم ہے۔

وہ بیجنگ میں چین کی سپریم پیپلز کورٹ کے صدر Zhou Qiang سے باتیں کررہے تھے۔

 چیف جسٹس نے کہا کہ سپریم کورٹ نے حال ہی میں سی پیک کے خصوصی حوالے سے تمام وفاقی محکموں اوروزارتوں کے ساتھ تفصیلی اجلاس منعقد کئے ہیں۔

انہوں نے کہا کہ دونوں ملکوں کے درمیان عدالتی تعاون تیزی سے فروغ پا رہا ہے۔

Zhou Qiang نے کہا کہ پاکستان اور چین کے تعلقات کو دونوں ملکوں کی قیادت کا مکمل اعتماد حاصل ہےاور ہمارا دوطرفہ تعاون جامع تذویراتی شراکتداری میں تبدیل ہوگیا ہے۔