وزیر خارجہ شاہ محمود قریشی نے کہا ہے کہ بھارت کی سیاسی اور فوجی قیادت کے جارحانہ بیانات سے خطے کے امن اور سلامتی کو سنگین خطرات لاحق ہیں۔وہ اقوام متحدہ کے سیکرٹری جنرل انتونیوگوتریز سے ٹیلی فون پر گفتگو کر رہے تھے جس میں انہیں مقبوضہ کشمیر کی بگڑتی ہوئی صورتحال کے بارے میں آگاہ کیا۔ اقوام متحدہ کے سیکرٹری جنرل نے اس موقع پر کہا کہ وہ صورتحال کا بغور جائزہ لے رہے ہیں اور وہ اس سلسلے میں اپنا کردار دا کریں گے۔
