بلوچستان کے وزیراعلیٰ میرجام کمال نے کہا ہےکہ نیا پاکستان ہاوسنگ سکیم بلوچستان کے عوام کیلئے ایک اہم سنگ میل ہے ۔انہوں نے یہ بات کوئٹہ میں نیا پاکستان ہائوسنگ سکیم منصوبے پرپیشرفت کے اعلی سطح کے جائزہ اجلاس کی صدارت کرتے ہوئے کہی ۔اجلاس کے دوران پاکستان ہائوسنگ اتھارٹی فاونڈیشن کے ڈائریکٹر جنرل وسیم حیات باجوہ نے شرکاء کو منصوبے سے متعلق بریفنگ دی ۔وسیم حیات نے اجلاس کو بتایاکہ منصوبے کے تحت کم قیمت کے رہائشی اپارٹمنٹس کی تعمیر مختلف مراحل میں مکمل کی جائے گی۔انہوں نے کہاکہ رہائشی اپارٹمنٹس کوئٹہ کے علاقوں کچلاک اور وحدت کالونی میں تعمیر کیئے جائیں گے جبکہ ماہی گیروں اور سرکاری ملازمین کیلئے گوادر اور اورماڑہ میں بھی اپارٹمنٹ تعمیر کیئے جائیںگے۔
