بین الصوبائی رابطے کی وفاقی وزیر ڈاکٹر فہمیدہ مرزا نے کہا ہے کہ حکومت ڈیوس کپ ٹائی کو بڑا ایونٹ بنانے کےلئے ہر ممکن کوشش کررہی ہےجو آئندہ ماہ پاکستان میں منعقد ہوگا۔

 آج اسلام آباد میں ڈیوس کپ سے قبل سکیورٹی انتظامات کے جائزہ اجلاس کی صدارت کرتے ہوئے انہوں نے کہا کہ اس ایونٹ کے کامیاب انعقاد کےلئےپاکستان ٹینس فیڈریشن سے ہر ممکن تعاون کیا جائے گا۔

ڈاکٹر فہمیدہ مرزا نے کہاکہ پاکستانی کھلاڑیوں نے ہمیشہ شاندار کارکردگی کا مظاہرہ کیا ہے اورکھیلوں کے تمام بین الاقوامی مقابلوں میں قوم کا سر فخر سے بلند کیا ہے۔

اجلاس کے دوران پاکستان ٹینس فیڈریشن کے صدر سلیم سیف اللہ خان نے بتایا کہ سلوانیہ سے سات کھلاڑی ایونٹ میں شرکت کےلئے پاکستان آئیں گے۔