اطلاعات ونشریات کی وزیر مملکت مریم اورنگزیب نے کہا کہ تمام اداروں کو اپنی آئینی حدود میں رہ کر کام کرنا چاہئے۔انہوں نے کہا کہ سابق وزیراعظم نوازشریف کا ووٹ کے تقدس کا بیانیہ پوری قوم کی آواز بن چکا ہے ۔انہوں نے کہا کہ نواز شریف ایک نظریے کا نام ہے۔وزیر مملکت نے کہا کہ ہم آئین اور قانون کے پابند ہیں۔انہوں نے کہا کہ گزشتہ روز وزیراعظم کی طرف سے ایوان میں شروع کی گئی بحث ملک میں آئینی اقدامات کے فروغ میں ایک سنگ میل ثابت ہوگی۔مریم اورنگزیب نے کہا کہ ہم ملک میں قانون کی حکمرانی کیلئے عدلیہ کا احترام کرتے ہیں تاہم انہوں نے کہا کہ ایک وزیراعظم کو اقامہ پر برطرف کرنا رائے عامہ کی توہین ہے۔وزیر مملکت نے کہا کہ جمہوریت ایک عمل اور رویے کا نام ہے جہاں لوگ اپنی رائے کاآزادانہ اظہار کرتے ہیں۔