عالمی کرکٹ کونسل نے کرکٹ کو حکومت کی مداخلت سے آزاد رکھنے میں ناکامی پر زمبابوے کی رکنیت معطل کردی ہے جس کے بعد ٹی ٹونٹی عالمی کپ کے لئے کوالیفائی کرنے کے مرحلے میں زمبابوے کی شمولیت مشکوک ہوگئی ہے۔

فیصلے کے تحت زمبابوے میں کرکٹ کے فروغ کے لئے عالمی کرکٹ کونسل کی جانب سے فنڈز کی فراہمی روک دی جائے گی اور زمبابوے کی ٹیم کوآئی سی سی کے کسی مقابلے یاٹورنامنٹ میں شرکت کی اجازت نہیں ہوگی۔