File Photo
تین روزہ شندورپولو فیسٹیول اگلے ماہ کی سات تاریخ سے ضلع چترال میں شروع ہوگا۔
خیبرپختونخوا کی سیاحتی کارپوریشن کے مطابق میلے کے شایان شان انداز میں انعقاد کیلئے تمام ضروری انتظامات کئے گئے ہیں۔میلے میں گلگت بلتستان اور چترال کی پولو ٹیمیں حصہ لیں گی۔علاقے کی ثقافت اجاگرکرنے کیلئے میلے میں پیراگلائیڈنگ، کھانے کے اسٹال، موسیقی اور روایتی ڈانس سمیت مختلف ثقافتی پروگرام ہوں گے۔مقامی اورغیرملکی سیاحوں کی سہولت کیلئے ایک خصوصی خیمہ بستی بھی قائم کی جائے گی۔
