سندھ کے وزیراعلیٰ سید مراد علی شاہ نے کہا ہے کہ قانون نافذ کرنے والے اداروں نے صوبے میں امن کے قیام کے لئے انتہائی اہم کردار ادا کیا ہے۔

آج کراچی میں سندھ پولیس کے 40ویں ایلیٹ کورس کی پاسنگ آوٹ پریڈ سے خطاب کرتے ہوئے انہوں نے کہا کہ تقریباً 2 ہزار  سے زائد پولیس افسران اورجوانوں نے فرائض کی ادائیگی کے دوران اپنی جانوں  کا نذرانہ پیش کیا ہے۔

وزیراعلیٰ نے کہا کہ حکومت پولیس کے مالیاتی مسائل کے حل کے لئے ان کی تنخواہوں کے ڈھانچے پر نظرثانی کرے گی۔

 مجموعی طور پر سات سو ساٹھ پولیس اہلکاروں نے اپنی تربیت مکمل کی ہے جن میں ایک سو چالیس خواتین شامل ہیں۔