مذہبی امور کے وزیر سردار محمد یوسف نے کہا ہے کہ سرکاری سکیم کے تحت اس سال کم ازکم نواسی ہزار افراد فریضہ حج ادا کریںگے ۔
انہوں نے کراچی میں صحافیوں سے گفتگو کرتے ہوئے کہاکہ حج کی ادائیگی کیلئے لوگوں کی مکمل تربیت ضروری ہے ۔
وفاقی وزیر نے کہاکہ کراچی سے روڈ ٹو مکہ سہولت دستیاب ہوگی۔
انہوں نے کہا سعودی حکام سے درخواست کی جائے گی کہ پشاور ائیرپورٹ سے بھی روڈ ٹو مکہ سہولت فراہم کی جائے ۔
