ورلڈبینک کا سندھ طاس معاہدے پرواضح مؤقف سامنے آ گیا جس سے سفارتی محاذ پربھارت کوبڑا دھچکا لگا ہے ۔

بھارت نے پہلگام فالس آپریشن کے بعد یکطرفہ طور پر سندھ طاس معاہدہ معطل کرنے کا اعلان کیا تھا۔

ورلڈ بینک نے واضح اعلان کردیا کہ سندھ طاس معاہدے کو یکطرفہ طور پر معطل نہیں کیا جاسکتا۔

ورلڈ بینک کے صدر اجے بنگا نے سی این بی سی کوحالیہ انٹرویو میں واضح کیا کہ معاہدے کو یکطرفہ طور پر معطل کرنے کی کوئی شق اس میں شامل نہیں۔

انہوں نے کہا کہ سندھ طاس معاہدے کو دونوں فریقین کی مرضی سے ختم یا اس میں کوئی ترمیم کی جاسکتی ہے۔ سندھ طاس معاہدے میں عالمی بینک کا کرداربنیادی طورپرسہولت کارکا ہے۔

دفاعی ماہرین نے کہا کہ صدر ورلڈبینک کا سندھ طاس معاہدے کے حوالے سے مؤقف ثابت کرتا ہے کہ بھارت یہ معاہدہ یکطرفہ طور پر ختم نہیں کرسکتا۔

دفاعی ماہرین نے کہا کہ سندھ طاس معاہدے کی یکطرفہ معطلی بین الاقوامی قوانین کی سنگین خلاف ورزی ہے اوربھارت کے مکروہ عزائم بری طرح ناکام ہو چکے ہیں ۔