قومی اسمبلی کے سپیکر سردار ایاز صادق نے کہا ہے کہ وہ ترکیہ کی میزبانی میں غزہ سے متعلق کانفرنس میں شرکت کریں گے۔

انہوں نے اسلام آباد میں ایک نیوز کانفرنس سے خطاب کرتے ہوئے کہا کہ ترکیہ کے سپیکر نے انہیں ٹیلیفون پر کانفرنس میں شرکت کی دعوت دی ہے۔

سپیکر نے کہا کہ وہ فلسطین کے بارے میں پاکستان کا مؤقف پیش کریں گے۔

سردار ایاز صادق نے غزہ میں اسرائیلی جارحیت کی مذمت کی۔

سپیکر قومی اسمبلی نے کہا کہ ہمیشہ غیر ملکی نمایاں شخصیات سے ملاقات میں کشمیر اور فلسطین کے مسئلے پر آواز اٹھائی ہے۔