صحت کے بارے میں خصوصی معاون ڈاکٹر ظفر مرزا نے کہا ہے کہ پاکستان موسمیاتی تبدیلی سے متاثر ہونے والے انتہائی غیر محفوظ ملکوں میں شامل ہے اورموسمیاتی تبدیلی عوام کی صحت کےلئے بھی ایک خطرہ ہے۔
آج اسلام آباد میں موسمیاتی تبدیلی کے بارے میں ورکنگ گروپ کے اجلاس کی صدارت کرتے ہوئے انہوں نے کہا کہ موسمیاتی تبدیلی کے انسانی صحت پر اثرات کے بارے میں ایک کمیٹی تشکیل دی گئی ہے۔
انہوں نے کہا کہ کمیٹی انسانی صحت پر موسمیاتی تبدیلی کے خطرات کا ازالہ کرے اور ایک ایسی پالیسی وضع کرے گی جو اس طریقہ کار میں تبدیلی لائے گی کہ ہم بد لتے ہوئے موسموں کے ساتھ زندگی گزار سکیں۔
ڈاکٹر ظفر مرزا نے کہاکہ کمیٹی اگلے کچھ ماہ میں اپنی سفارشات پیش کرے گی۔