شمالی کیلیفورنیا میں بڑے پیمانے پر لگنے والی آگ سے ہونے والی ہلاکتوں کی تعداد بڑھ کر بیالیس ہوگئی ہے جوکہ ریاست کی تاریخ میں لگنے والی سب سے جان لیوا آگ بن گئی ہے۔
ریاست کے شمال میں بڑے پیمانے پر جل کر خاکستر ہونے والے گاؤں پیرا ڈائز کے اندر اور گردو نواح سےمزید تیرہ لاشوں کی باقیات ملی ہیں۔
دو سو اٹھائیس افراد ابھی بھی لاپتہ ہیں جبکہ آج پانچویں روز بھی آگ پر قابو نہیں پایا جاسکا۔
تقریباً ڈھائی لاکھ افراد گھر بارچھوڑنے پر مجبور ہوگئے ہیں۔
