امریکہ کے تین سو سے زائد مسیحی رہنمائوں نے امریکی وزارت خارجہ کو ایک خط میں کہا ہے کہ بھارت کو مذہبی آزادی سلب کرنے والے بدترین ملکوں کی واچ لسٹ میں شامل کیا جائے۔

شمالی امریکہ میں بھارتی نژاد مسیحی امریکیوں کی تنظیموں کی فیڈریشن کی جانب سے لکھے گئے خط میں مطالبہ کیا گیا ہے کہ بھارت کو اقلیتوں کیلئے خطرناک ملک قرار دیا جائے ۔

خط میں کہا گیا ہے کہ 2014 میں بھارتی وزیراعظم نریندر مودی کی ہندو قوم پرست جماعت بھارتیہ جنتا پارٹی کے اقتدار میں آنے کے بعد وہاں عیسائیوں کے خلاف پُرتشدد واقعات میں تیزی سے اضافہ ہوا ہے۔