صدر آصف علی زرداری نے بھارتی جارحیت کا منہ توڑ جواب دینے اورقومی خودمختاری کا دفاع کرنے پر مسلح افواج کو سراہا ہے۔

انہوں نے ایک بیان میں مسلح افواج کے سربراہان اور فوج کے تمام لڑاکا یونٹوں کو دلی مبارکباد دی جن کی بہادری اور انتھک کوششوں نے ہمیں فتح سے ہمکنار کیا۔

انہوں نے کہا قوم کو جشن منانا چاہئے اور شہداء کیلئے دعا بھی کریں۔

صدر نے زور دیا کہ جنوبی ایشیاء میں پائیدار امن بھارت کے ساتھ مسئلہ جموں و کشمیر سمیت دیگر تنازعات خصوصاً سندھ طاس معاہدے کے منصفانہ حل سے ہی ممکن ہے۔