منصوبہ بندی اورترقی کے وزیراحسن اقبال نے اسلام آباد میں ایک اجلاس کی صدارت کی جس میں ملک بھر میں اشیائے ضروریہ کی قیمتوں کے موجودہ رجحانات کا جائزہ لیا گیا۔

پاکستان کے ادارہ شماریات کے چیف STATISTICIAN نے قیمتوں کی موجودہ صورتحال کا جائزہ پیش کیا جس میں مہنگائی میں تاریخی کمی دیکھی گئی۔

احسن اقبال نے سالانہ بنیاد پر قیمتوں کے تعین کا جامع طریق کاروضع کرنے کی ضرورت پر زور دیا۔

انہوں نے بالخصوص رمضان المبارک' عید اوردوسرے تہواروں سمیت اشیائے ضروریہ کے استعمال میں اضافے کے دنوں کیلئے طلب اور رسد کا فعال نظام وضع کرنے پر زور دیا۔

انہوں نے تمام متعلقہ وزارتوں کواشیائے ضروریہ کی فراہمی کو مسلسل اور مستحکم بنانے کیلئے مربوط کوششیں یقینی بنانے کی ہدایت کی اور کہا کہ آئندہ اجلاس میں عیدالاضحی کی تیاریوں پر خصوصی طور پر توجہ مرکوز کی جائے۔