سندھ کے وزیراعلی سید مراد علی شاہ نے کینیڈا سے فوری ٹیسٹ کرنے والی مشینیں خریدنے کی منظوری دی ہے۔صوبے میں کوروناوائرس کے ٹیسٹ کرنے کیلئے ایک لاکھ ٹیسٹنگ کٹس خریدی جائیںگی۔
وہ ہفتہ کے روز کراچی میں کوروناوائرس کی صورتحال کے بارے میںاعلی سطح کے ایک اجلاس کی صدارت کررہے تھے۔وزیراعلی نے چھ نئی ٹیسٹنگ پی سی آر مشینیں بھی خریدنے کی منظوری دی۔سید مراد علی شاہ نے کہا کہ وہ ٹیسٹ کی سہولت پانچ ہزار یومیہ تک بڑھانا چاہتے ہیں۔اجلاس کو بتایا گیا کہ صوبے میں ساڑھے سات ہزار ٹیسٹنگ کٹس موجود ہیں جو آئندہ ایک ہفتے کیلئے کافی ہیں۔