کوڑا کرکٹ تلف کرنے کا آج (اتوار) عالمی دن منایا جا رہا ہے ۔

اس سال دن کا موضوع ہے'' فیشن اور ٹیکسٹائل کے شعبے میں کوڑا کرکٹ تلف کرنے کی جانب پیشرفت '' جس کا مقصد فیشن اور ٹیکسٹائل کے شعبے میں کوڑا کرکٹ کے مضر اثرات میں کمی لانے کیلئے فوری اقدامات کی ضرورت پر توجہ دینا ہے۔

وزیراعظم شہبازشریف نے اس موقع پر اپنے پیغام میں پاکستان کیلئے زیادہ صاف' صحت مند اور پائیدار مستقبل کے عزم کااعادہ کیا ہے۔

انہوں نے کہا کہ پاکستان ماحولیاتی مضراثرات کو کم کرنے کیلئے ماحول دوست مصنوعات کی تیاری' ٹیکسٹائل کے کچرے میں موجود مختلف اجزاء کودوبارہ استعمال میں لانے اور صارفین کی فلاح وبہبود کیلئے پرعزم ہے۔

شہبازشریف نے کہا کہ پلاسٹک ویسٹ مینجمنٹ پلان کا مقصد پلاسٹک کے استعمال کوبتدریج ختم کرنا' قدرتی عمل کے ذریعے تحلیل ہونے والی متبادل مصنوعات کی حوصلہ افزائی اور پلاسٹک کے کچرے کو دوبارہ استعمال میں لانے کی کوششوں کو توسیع دینا ہے۔