خیبر پختونخوا کے وزیر اعلیٰ محمود خان نے سرکاری اور نجی شعبے کی شراکت داری سے چار نئے میڈیکل کالج قائم کرنے کی ہدایت کی ہے۔انہوں نے پشاور میں نئے میڈیکل کالجز کے قیام سے متعلق ایک اجلاس کی صدارت کرتے ہوئے متعلقہ حکام سے پندرہ دن کے اندر چارسدہ، بونیر، ہری پور اور مانسہرہ کے اضلاع میں غیر استعمال شدہ سرکاری عمارتوں میں میڈیکل کالجز کے قیام کے حوالے سے رپورٹ طلب کی۔میڈیکل کالجز کے قیام کو ان علاقوں کی اشد ضرورت قرار دیتے ہوئے محمود خان نے منصوبے پر عملدرآمد یقینی بنانے کے لئے ضروری اقدامات کرنے کی ہدایت کی۔