انسداد پولیو کی ایک ہفتہ دورانیے کی قومی مہم سندھ کے پچیس اورخیبرپختونخوا کے تیرہ اضلاع میں کل سے شروع ہوگی۔کراچی میں انسداد پولیو کی صوبائی ٹاسک فورس کے اجلاس کی صدارت کرتے ہوئے وزیراعلیٰ سندھ سیدمرادعلی شاہ نے تمام اضلاع کی انتظامیہ کو پولیو ٹیموں کے ساتھ تعاون کرنے اوراس مہم کو کامیاب بنانے کی ہدایت کی۔اجلاس کو بتایاگیا کہ انسداد پولیومہم کے دوران پانچ سال تک کی عمر کے تقریباً اَسی لاکھ بچوںکو پولیو سے بچائو کے قطرے پلائے جائیںگے۔خیبرپختونخواکے ہنگامی مرکزکے مطابق پولیومہم کے دوران اٹھائیس لاکھ سے زائدبچوں کو پولیو سے بچائوکے قطرے پلائے جائیںگے اوراس مقصد کیلئے اکیس ہزارٹیمیں تشکیل دی گئی ہیں۔
