پاکستان اور ایران نے خطے میں دہشت گردی اور انتہا پسندی کے رجحانات کو کم کرنے کے لئے دوطرفہ تعلقات کو مضبوط بنانے پراتفاق کیا ہے۔
یہ معاہدہ پاکستان میں ایران کے سفیر ڈاکٹر رضا امیری مغدام اور منصوبہ بندی و ترقی اور خصوصی اقدامات کے وزیر پروفیسر احسن اقبال کے درمیان اسلام آباد میں ہونیوالی ملاقات میں طے پایا۔
منصوبہ بندی کے وزیر نے نوسوکلومیٹر مشترکہ زمینی اور سمندری سرحد پر غور کرتے ہوئے تجارتی راستوں کے ذریعے رابطے بڑھانے کی اہمیت پر زور دیا۔
ایرانی سفیر نے چاہ بہار بندرگاہ کو زاہدان ریلوے نیٹ ورک سے جوڑنے کے لئے ایران کے عزم کا اظہار کیا جس سے ممکنہ طور پر روس اور وسطی ایشیا کے ممالک کے ساتھ رابطے بڑھیں گے۔
