وزیراعلی پنجاب مریم نواز اور وزیراعلی بلوچستان سرفراز بگٹی نے لاہور میں ملاقات کے دوران مجموعی سیاسی صورتحال پر تبادلہ خیال کیا ہے۔

انہوں نے باہمی دلچسپی کے امور اور بین الصوبائی ہم آہنگی کو فروغ دینے کے اقدامات پر بھی تبادلہ خیال کیا۔

اس موقع پر مریم نواز شریف نے بلوچستان کو دہشت گردی کے مسئلے سے نمٹنے کے لیے مکمل تعاون فراہم کرنے کی یقین دہانی کرائی۔

انہوں نے کہا کہ بلوچستان کی ترقی پاکستان کی ترقی ہے اور ملک میں ترقی کا سفر جاری رہے گا۔

اپنی جانب سے سرفراز بگٹی نے کہا کہ عوام کی ترقی اور خوشحالی کے حصول کے لیے ایک جامع حکمت عملی تشکیل دی گئی ہے۔