وزیرِاعظم شہباز شریف نے لوکا نکولیسکو کو رومانیہ کے وزیراعظم کا عہدہ سنبھالنے پر دلی مبارک باد دی ہے۔

انہوں نے سماجی رابطے کے پلیٹ فارم ایکس پر ایک پیغام میں لوکا نکولیسکو کی نئی ذمہ داریوں میں کامیابی کے لیے نیک تمناؤں کا بھی اظہار کیا۔

شہباز شریف نے کہا کہ پاکستان رومانیہ کے ساتھ اپنی دیرینہ دوستی کو انتہائی قدر کی نگاہ سے دیکھتا ہے۔ انہوں نے امید ظاہر کی کہ آنے والے دنوں میں پاکستان اور رومانیہ کے دوطرفہ تعلقات مزید مضبوط ہوں گے۔