صدر آصف علی زرداری اور وزیراعظم محمد شہباز شریف نے ملتان میں ویسٹ انڈیز کے خلاف پہلا ٹیسٹ میچ جیتنے پر قومی کرکٹ ٹیم کو مبارکباد دی ہے۔

صدر نے قومی ٹیم کی شاندار کارکردگی کو سراہتے ہوئے اُمید ظاہر کی کہ قومی ٹیم مستقبل میں بھی ایسی کامیابیاں حاصل کرتی رہے گی۔

وزیراعظم نے خاص طور سے تمام کھلاڑیوں کی غیر معمولی کارکردگی کو سراہا جن میں ساجد خان نے نمایاں کردار ادا کیا۔

اُدھر سوشل میڈیا پلیٹ فارم ایکس پر ایک پوسٹ میں شہباز شریف نے پاکستان کرکٹ بورڈ کے چیئرمین محسن نقوی اور اُن کی پوری ٹیم کی بھی تعریف کی۔