وزیراعظم شہبازشریف نے ایس سی او سربراہ اجلاس کے موقع پر کرغزستان کے وزراء کی کابینہ کے چیئرمین اکیل بیک جاپاروف سے بھی ملاقات کی۔
وزیراعظم نے ایس سی او اجلاس میں جمہوریہ کرغزستان کی مثبت اور بھرپور شرکت پراظہار تشکر کرتے ہوئے ایس سی او اجلاس کے سربراہ کی حیثیت سے کرغزستان کی جانب سے پاکستان کی حمایت کو سراہا۔انہوں نے کرغزستان کے ساتھ تعاون کو مزید مضبوط بنانے کی پاکستان کی خواہش کااظہار کیا اور اس سلسلے میں تجارت سرمایہ کاری عوام کے درمیان رابطوں اور علاقائی روابط کے شعبوں میں شراکت داری کی نئی راہیں تلاش کرنے کی ضرورت پرزوردیا۔کرغزستان کے رہنماء نے دونوں ملکوں کے درمیان باہمی مفاد کے تمام شعبوں میں دوطرفہ تعاون بڑھانے کے لئے پاکستان کے ساتھ مل کر کام جاری رکھنے کی اپنے ملک کی خواہش کااظہارکیا۔
