صدر آصف علی زرداری اور وزیر اعظم شہباز شریف نے ریڈیو پاکستان کو جدید ٹیکنالوجی بالخصوص مصنوعی ذہانت سے ہم آہنگ کرنے کیلئے حکومت کے عزم کا اعادہ کیا ہے تاکہ اسے عوامی خدمت، تعلیم، صحت عامہ اور قومی ترقی کے لیے مزید موثر ذریعے میں تبدیل کیا جا سکے۔

انہوں نے ریڈیو کے عالمی دن کے موقع پر اپنے الگ الگ پیغامات میں کہا کہ قیام پاکستان کے بعد سے ریڈیو پاکستان نے قوم کو متحد کرنے، آگاہی پیدا کرنے اور معلومات تک رسائی کو فروغ دینے میں رابطے کے ایک اہم ذریعے کے طور پر کام کیا ہے۔صدر اور وزیراعظم نے کہا کہ جیسے جیسے دنیا تیزی سے ڈیجیٹل دور میں داخل ہوئی ہے، ریڈیو بھی جدید دور کے تقاضوں کے مطابق ڈھل رہا ہے اور اس کے مطابق ترقی کر رہا ہے۔