کابینہ کی اقتصادی رابطہ کمیٹی نے پانچ لاکھ میٹرک ٹن سرپلس چینی کی اضافی برآمد کی منظوری دی ہے۔

یہ منظوری آج اسلام آباد میں وزیر خزانہ محمد اورنگزیب کی صدارت میں کمیٹی کے اجلاس میں دی گئی۔

چینی برآمد کرنے کی یہ منظوری اس شرط پر دی گئی ہے کہ پاکستان شوگرملز ایسوسی ایشن آئندہ زرعی سال کے لئے اگلے ماہ کی اکیس تاریخ سے پیداوار کا آغاز کر دیں گی اور اس پر عملدرآمد نہ کرنے والی کسی بھی مل کا برآمدی کوٹہ منسوخ کر دیا جائے گا۔