نائب وزیراعظم اوروزیرخارجہ محمداسحاق ڈاراقتصادی تعاون تنظیم کی وزراء کونسل کے اٹھائیسویں اجلاس میں شرکت کے لئے ایران کے شہرمشہدمیں ہیں۔

صوبہ رضوی خراسان کے نائب گورنرجنرل محمدعلی نبی پور اورایران میں پاکستان کے سفیرمدثرٹیپو نے ان کاایئرپورٹ پرپرتپاک استقبال کیا۔

نائب وزیراعظم اسحاق ڈار وزارتی اجلاس میں اپنے خطاب کے دوران اقتصادی تعاون تنظیم کے منشورکے ساتھ پاکستان کے عزم کااعادہ کریںگے اورخطے میں سڑک اورریل نیٹ ورک کی ترقی، ویزانظام میں نرمی اورسرحدی طریقہ کار آسان بنانے کے ذریعے ای سی اوخطے میں رابطوں کی صلاحیت کواجاگرکریںگے۔