ضلع خیبر کے علاقے شگئی میں خفیہ اطلاع کی بنیاد پر ایک کارروائی کے دوران جام شہادت نوش کرنے والے کیپٹن محمد زوہیب الدین شہید کی نماز جنازہ رات لاہور میں ادا کی گئی۔
نماز جنازہ میں وزیراعظم محمد شہبازشریف،کورکمانڈر لاہور لیفٹیننٹ جنرل سید عامر رضا ، اعلیٰ سول اور فوجی حکام نے شرکت کی۔
اس موقع پروزیراعظم نے شہید کیپٹن زوہیب کے اہل خانہ سے ملاقات کی اور تعزیت کا اظہار کیا۔
وزیراعظم نے بہادری سے خوارج کا مقابلہ کرنے پر شہید کیپٹن زوہیب الدین کو خراج عقیدت پیش کیا ۔
انہوں نے کہا کہ پوری قوم کو ان پر فخر ہے اور انہیں سلام پیش کرتی ہے۔
