بھارت میں کانگریس کے رہنما راہول گاندھی نے بھارتیہ جنتا پارٹی کو ملک میں نفرت کا ماحول پیدا کرنے کا ذمہ دار قرار دے دیا۔
وہ کیرالہ میں صحافیوں سے گفتگو کرتے ہوئے بی جے پی کی رہنما نوپور شرما کی جانب سے حضور پاک حضرت محمدؐ خاتم النبیین کی شان میں گستاخانہ بیان پر سپریم کورٹ کے فیصلے پر تبصرہ کر رہے تھے۔
راہول گاندھی نے کہا کہ یہ ایک شخص نہیں بلکہ یہ وزیراعظم، وزیر داخلہ، بی جے پی اور آر ایس ایس ہے جس نے ملک میں یہ ماحول پیدا کیا۔انہوں نے کہا کہ غصے اور نفرت کا ماحول ملک اور عوام کے مفاد کے خلاف ہے۔