آزاد جموں و کشمیر الیکشن کمیشن نے آزاد جموں و کشمیر کی قانون ساز اسمبلی کی آٹھ مخصوص نشستوں کے لئے امیدواروں کی جانب سے جمع کرائے گئے کاغذات نامزدگی کی جانچ پڑتال مکمل کر لی ہے۔ان مخصوص نشستوں کے لئے انتخابات پیر کے روز منعقد ہوں گے۔ان آٹھ میں سے پانچ نشستیں خواتین جبکہ تین نشستیں مسلم مذہبی سکالر، بیرون ملک مقیم کشمیریوں اور ٹیکنوکریٹس کے لئے مختص ہیں۔آزاد جموں و کشمیر کی نئی نومنتخب قانون ساز اسمبلی کا افتتاحی اجلاس منگل کو ہو گا، جس میں ایوان کے منتخب نمائندے اپنی رکنیت کا حلف اٹھائیں گے۔