اقوام متحدہ نے میانمار کے فوجی حکمرانوں کی طرف سے معزول رہنما نوبل انعام یافتہ آنگ سان سوچی کی جماعت نیشنل لیگ فار ڈیموکریسی کو تحلیل کرنے پر تشویش کا اظہار کیا ہے۔نیو یارک میں صحافیوں سے گفتگو کرتے ہوئے اقوام متحدہ کے ترجمان سٹیفن ڈیوجیرک نے کہا کہ ہم میانمار میں جمہوریت کی واپسی کے ساتھ ساتھ آنگ سان سوچی اور دیگر رہنمائوں کی رہائی چاہتے ہیں۔فوجی حکومت نے جنوری میں نئے انتخابی قوانین کے تحت سیاسی جماعتوں کی رجسٹریشن کیلئے حتمی مدت مقرر کی تھی اور سوکی این ایل ڈی سمیت چالیس جماعتوں کو حتمی مدت کے اندر رجسٹریشن نہ کرانے پر تحلیل کر دیا ہے۔