غربت کے خاتمے اور سماجی تحفظ کے بارے میں وزیر اعظم کی معاون خصوصی سینیٹر ڈاکٹر ثانیہ نشتر نے کہا ہے کہ مستحق خاندانوں کو احساس پروگرام کے لیے اپنی اہلیت کے متعلق معلومات کے حصول کیلئے آئندہ ہفتے احساس پورٹل کا اجراء کیا جا ئے گا۔انہوں نے یہ بات سیاسی رابطوں کے بارے میں وزیر اعظم کے معاون خصوصی سے اسلام آباد میں ملاقات کے دوران کہی۔اِس ملاقات کا مقصد آئندہ بڑ ے احساس پروگراموں کے متعلق لوگوں کی راہنمائی کے طریقے وضع کرنا تھا۔ملاقات کے دوران دونوں معاونین خصوصی نے لوگوں کو معلوماتی پیغامات پہنچانے اور ملک کے مختلف حصوں میں عوام کو فوائد پہنچانے کیلئے حکمت عملی پر تفصیلی تبادلہ خیال کیا۔
