وزیراعلیٰ پنجاب مریم نوازشریف نے پاکستان کے پہلے ٹائرفور ڈیٹا سنٹر کے قیام کی اصولی منظوری دے دی ہے جو لاہورمیں نوازشریف انفارمیشن ٹیکنالوجی سٹی میں قائم کیاجائے گا ۔

آج(بدھ) لاہور میں نوازشریف آئی ٹی سٹی پرکام کی پیش رفت کے حوالے سے اجلاس کی صدارت کرتے ہوئے انہوں نے سینٹرل بزنس ڈسٹرکٹ کو نوازشریف آئی ٹی سٹی میں مزید بین الاقوامی جامعات کے کیمپس قائم کرنے کی ذمہ داری سونپی ۔

انہو ں نے نوازشریف آئی ٹی سٹی ٹوئن ٹاورز کی جلد تکمیل کی بھی ہدایت کی۔

اس سے قبل اجلاس کو بتایاگیا کہ چین اور انگلینڈ سمیت دیگر ممالک نوازشریف آئی ٹی سٹی میں اپنے کیمپس قائم کریں گے جبکہ بکنگھم شائر یونیورسٹی اور امپیریل کالج لندن بھی اپنے کیمپسز کے قیام کیلئے تیار ہیں۔

اجلاس کو مزید بتایاگیا کہ بین الاقوامی جامعات کے تعاون سے نوازشریف آئی ٹی سٹی میں ایک آرٹیفیشل انٹیلی جنس اور انفارمیشن ٹیکنالوجی یونیورسٹی کا قیام بھی عمل میں لایاجائے گا۔