نوجوانوں کے امور کے بارے میں وزیراعظم کے معاون خصوصی عثمان ڈار نے کہا ہے کہ بے روزگاری کے مسائل کے حل کیلئے نوجوانوں کی کیریئر کونسلنگ کیلئے ملک بھر کے تمام علاقوں میں یوتھ سنٹرز قائم کئے جارہے ہیں ۔ اسلام آباد میں پندرہ یونیورسٹیوں کے نیشنل ڈائیلاگ فورم کے ایک وفد سے گفتگو کرتے ہوئے انہوں نے کہا کہ حکومت نے فیصلہ سازی میں باصلاحیت نوجوانوں کی رائے حاصل کرنے کیلئے نیشنل یوتھ کونسل تشکیل دی ہے ۔ عثمان ڈار نے کہا کہ ٹیکنیکل ایجوکیشن کورسز میں بلوچستان کے طلباء کیلئے کوٹہ بڑھایا جائے گا ۔