سماجی تحفظ اور غربت کے خاتمے کےبارے میں وزیراعظم کی معاون خصوصی ڈاکٹرثانیہ نشتر نےکہاہےکہ کوروناوائرس کے منفی اثرات سے متاثرہ مستحق خاندانوں کو آئندہ ماہ فی کس بارہ ہزار روپے کی نقد رقم دی جائے گی۔
آج صبح ریڈیو پاکستان کے پروگرام میں اظہار خیال کرتے ہوئے انہوں نے کہا کہ مالی تعاون کا پروگرام وزیراعظم عمران خان کی جانب سے اعلان کئے گئے امدادی پیکیج کا حصہ ہے۔
معاون خصوصی نے کوروناوائرس کے پھیلاو کےخلاف جنگ میں قومی یکجہتی کی ضرورت پر زور دیا ۔
انہوں نے کہا کہ دیہی علاقوں میں بھی عوام کو اجتماعات سے گریز کرناچاہیے اور ایک دوسرے سے فاصلہ رکھنا چاہیے۔
ثانیہ نشتر نےکہاکہ حکومت مارکیٹوں میں گندم کے آٹے سمیت اشیائے ضروریہ کی مناسب فراہمی یقینی بنانے کےلئے انتظامات کررہی ہے۔
