وزیرخارجہ شاہ محمودقریشی آج نائیجرروانہ ہوگئے ہیں جہاں وہ اسلامی تعاون تنظیم کے وزرائے خارجہ کونسل کے اجلاس میں پاکستان کی نمائندگی کریںگے۔ایک ویڈیوپیغام میں شاہ محمودقریشی نے کہاہے کہ اجلاس میں امت مسلمہ کو درپیش اوردیگراہم معاملات پرغورکیاجائے گا۔شاہ محمودقریشی نے کہاکہ وہ عالمی سطح پردرپیش چیلنجوں پرپاکستان کاموقف پیش کریں گے۔وزیرخارجہ نے کہاکہ مسلمانوں کوبڑھتے ہوئے اسلام مخالف واقعات پرگہری تشویش ہے۔بھارت کی طرف سے غیرقانونی زیرقبضہ جموں وکشمیرمیں مظالم اورپاکستان میں بھارت کی ریاستی دہشت گردی کاحوالہ دیتے ہوئے وزیرخارجہ نے کہاکہ مظلوم کشمیری عوام پربھارتی مظالم کواجاگرکرنے کے لئے یہ ایک مناسب فورم ہے۔وزیرخارجہ نے کہاکہ اس اجلاس کے موقع پروہ اسلامی ممالک کے وزرائے خارجہ سے دوطرفہ ملاقاتیں بھی کریں گے۔
