اقوام متحدہ میں پاکستان کے مستقل مندوب منیراکرم نے عالمی ادارے سےکہاہے کہ وہ بھارت کے غیرقانونی زیرقبضہ جموں وکشمیرمیں جاری انسانی حقو ق کی خلاف ورزیاں رکوانےکیلئے اقدامات کرے۔وہ جنرل اسمبلی کے افتتاحی اجلاس سے خطاب کررہے تھے ۔اس سے قبل سیکرٹری جنرل انتونیوگوتریزکی طرف سے انسانی حقوق کے لئے کارروائی کامطالبہ کے موضوع پربریفنگ دی گئی۔پاکستانی مندوب نے کہاکہ انسانی حقوق ہرجگہ خطرے میں ہیں اور ہم مسلسل انسانی حقوق کی متفرق نوعیت اورمنظم خلاف ورزیاں دیکھ رہےہیں۔منیراکرم نے اقلیتوں ،خواتین اوربچوں سمیت کمزورطبقات کے خلاف عدم برداشت ، امتیازی سلوک، نسل پرستی اورتشدد میں عالمی سطح پراضافے پربھی تشویش کااظہارکیا۔