اردو زبان کی ممتاز شاعرہ پروین شاکر کا 69 واں یوم پیدائش آج (بدھ)منایا گیا۔پروین شاکر انیس سو باون میں آج ہی کے دن کراچی میں پیدا ہوئیں اور انہوں نے اُنیس سو چھہتر میں اپنے شعری مجموعے خوشبو کی اشاعت سے شہرت پائی۔ان کی دوسری تصانیف میں ماہِ تمام، صد برگ، خود کلامی اور انکار شامل ہیں۔انہوں نے ایک استاد اور سرکاری ملازم کی حیثیت سے بھی خدمات انجام دیں۔اردو ادب کیلئے ان کی گرانقدر خدمات کے اعتراف میں پروین شاکر کو انیس سو نوے میں صدارتی تمغہ حسن کارکردگی اور انیس سو چھہتر میں آدم جی ادبی ایوارڈ سے نوازا گیا۔وہ چھبیس دسمبر انیس سو چورانوے کو اسلام آباد میں کار کے ایک حادثے میں انتقال کر گئی تھیں۔