قومی غذائی تحفظ کے وزیر سید فخر امام نے قومی زرعی تحقیقی مرکز میں عالمی زرعی مرکز کےبارے میں کورین پروگرام شروع کرنے پر پاکستان میں کوریا کے سفارتخانے کی کوششوں کو سراہا ہے۔

 آج اسلام آباد میں جمہوریہ کوریا کے سفیر Kwak Sung Kyu سے گفتگو کرتے ہوئے انہوں نے کہا کہ یہ مرکز زرعی شعبے کے فروغ اور ترقی کے لئے تحقیقی مواد اور مطبوعات کے تبادلے میں معاون ہوگا۔

 وفاقی وزیر نے پاکستان میں ٹڈی دل کی روک تھام کےلئے کوریا کی حکومت کے مالی تعاون کا بھی شکریہ ادا کیا۔