وزیر خزانہ محمد اورنگزیب نے ہنگامی صورتحال اور موسمیاتی تبدیلیوں کے اثرات سے نمٹنے کے لیے عالمی ترقیاتی شراکت داروں کے ساتھ روابط کے ذریعے ملکی وسائل کو مؤثر طور پر بروئے کار لانے کی اہمیت پر زور دیا ہے۔
انہوں نے ان خیالات کا اظہار اسلام آباد میں ہنگامی حالات سے نمٹنے کے قومی امدادی ادارے کے سبکدوش ہونے والے چیئرمین لیفٹیننٹ جنرل انعام حیدر ملک اور این ڈی ایم اے کے نئے چیئرمین لیفٹیننٹ جنرل حسن خٹک سے ملاقات میں کیا۔
وزیر خزانہ نے پیش گوئیوں کے بعد بروقت فیصلوں اور مؤثر پیشگی اقدامات کرنے کی اہمیت پر بھی زور دیا۔
