اطلاعات کے بارے میں معاون خصوصی فردوس عاشق اعوان نے کہا ہے کہ وزیراعظم عمران خان کی امریکی صدر ڈونلڈ ٹرمپ کے ساتھ ملاقات پاکستان کےلئے ایک کامیابی ہے۔
آج ایک ٹویٹ میں انہوں نے کہا کہ قوم کو اپنے رہنما پر فخر ہے جس نے پاکستان کی عالمی فورم پر باوقار انداز میں نمائندگی کی۔
فردوس عاشق اعوان نے کہا کہ صدر ڈونلڈ ٹرمپ کی طرف سے افغان مسئلے پر وزیراعظم عمران خان کے موقف کی تائید اور انہیں مقبول قرار دینا، دنیا میں عمران خان پر بڑھتے اعتماد اور ان کی قائدانہ صلاحیتوں کا مظہر ہے۔