ہنگامی امدادی ادارے نے صوبوں کو کورونا وائرس کے خلاف ذاتی تحفظ کے آلات کی چھٹی کھیپ فراہم کی ہے ۔

ادارے کے ترجمان کے مطابق سندھ، آزاد کشمیر اور گلگت بلتستان کو آج حفاظتی سامان بھیجا گیا ۔ہسپتالوں کوحفاظتی سامان کی ساتویں کھیپ کی فراہمی عید کے بعد شروع ہوگی۔

ادھر خیبرپختونخوا کے ناگہانی آفات سے نمٹنے کے ادارے نے دس ہزار سے زائد کورونا ٹیسٹنگ کٹس محکمہ صحت کے حوالے کی ہیں۔صوبائی ادارے کے ڈائریکٹر جنرل کے مطابق متعلقہ محکموں کو 25 ہزار سرجیکل ماسک بھی دئیے گئے ہیں ۔انہوں نے کہاکہ ادارے کا ایمرجنسی آپریشن تھیٹر عیدالفطر کی تعطیلات کے دوران مکمل طورپر فعال رہے گا انہوں نے عوام سے کہاکہ وہ ہنگامی صورتحال میں ٹال فری نمبر 0800-01700 پر رابطہ کریں ۔