امریکہ کے صدرڈونلڈٹرمپ نے ایران سے تیل خریدنے والے ملکوں کے لئے پابندی میں استثنیٰ کے خاتمے کافیصلہ کیاہے۔
وائٹ ہائوس نے کہاہے کہ چین، بھارت، جاپان، جنوبی کوریا اورترکی کواگلے مہینے سے استثنیٰ ختم ہوجائے گا جس کے بعدانہیں امریکی پابندیوں کاسامناکرناہوگا۔اس سے پہلے امریکہ کے وزیرخارجہ مائیک پومپیونے صحافیوں سے گفتگوکرتے ہوئے کہاکہ ایران سے تیل درآمدکرنے والے تمام ملکوں پرامریکی پابندیاں دوبارہ عائد کی جائیں گی۔اُدھرترکی کے وزیرخارجہ Mevlut Cavusoglu نے امریکی فیصلے پرتنقیدکرتے ہوئے کہاکہ اس سے علاقے میں امن واستحکام پیدانہیں ہوگا لیکن ایرانی عوام کونقصان ہوگا۔