صدرڈاکٹرعارف علوی نے ہائرایجوکیشن کمیشن پر زور دیا ہے کہ وہ دور جدید میں تیزی سے بدلتے ہوئے تقاضوں کو مدنظر رکھتے ہوئے آن لائن فاصلاتی تعلیم کی پالیسی کو مزید بہتر بنائے۔
وہ آج(جمعہ) اسلام آباد میں اعلیٰ تعلیمی کمیشن کی آن لائن تعلیمی پالیسی سے متعلق ایک بریفنگ کی صدارت کر رہے تھے۔صدر نے کہا کہ کورونا وبا کے دوران خاص طور پر فاصلاتی تعلیم کی اہمیت میں کئی گنا اضافہ ہوا ہے۔انہوں نے کہا کہ فاصلاتی تعلیم کے پروگراموں کو قومی تعلیمی نظام کے ساتھ مربوط کرنے کی ضرورت ہے۔صدر کو بتایا گیا کہ آن لائن تعلیمی پالیسی کا بنیادی مقصد قواعد، رہنما اصول اور کم سے کم اہم معیارات فراہم کرنا ہے جن کے تحت یونیورسٹیوں کو آن لائن اور فاصلاتی تعلیم فراہم کرنے کی اجازت ہو گی۔