لاہور ہائیکورٹ کے جسٹس مظاہر علی نقوی کی سربراہی میں تین رکنی بنچ نے آج لاہور میں سابق وزرائے اعظم شاہد خاقان عباسی، نواز شریف اور صحافی سیرل المیڈا کے خلاف غداری کےمقدمے سے متعلق درخواست کی سماعت کی۔
دوران سماعت شاہد خاقان عباسی طلبی پر بنچ کے روبرو پیش ہوئے اور اپنا تحریری جواب جمع کرایا۔
نواز شریف کی نمائندگی ان کے وکیل نصیر بھٹہ نے کی جنہوں نے سابق وزیراعظم کی طرف سےتحریری جواب داخل کرایا۔
بعد میں جسٹس مظاہر علی نقوی نے سماعت 12 نومبر تک ملتوی کردی۔